Ужасна слика во центарот на градот?!

Овој пост седнувам да го напишам поизнервирана од било кога. Денес бев сведок на една ужасна слика за која неможам да престанам да зборувам. Околу 16 часот ме носеше Петар накај факултет. Нема да коментирам за градскиот хаос во сообракајот, ниту пок, за 50% од семафорите кои не работат. Семафорот пред бензинската по судска палата беше исклучен и заменет со полицаец. Требаше да помине некој од "батките" со 3 коли обезбедување и цајканот нормално требаше да му направи простор на циркузот, пардон, функционерот со придружба. И застанува колона на семафор, за да се направи простор....ама тука се јави и огромниот проблем! Првата кола од застанатата колона е возило на брзата помош со пуштено светло и свирка.!!!!!!!!!!!!!!!!!!!!!!!!!!!!

И така фино сите си почекаа за да помине некој, а возачот на брзата помош немаше што да направи и каде да оди па чекаше со сите останати. Добро бе луѓе, животни, дебили...или што и да сте па дали сте вие нормални ? Еве го земам предвид законот дека коли со придружба имаат предност, но зарем е тоа така и во случај кога се работи за живот или смрт? Па мавнете си ги малку главите бре глупаци невидени, не ни требате за украс воопшто. И не се плашам од вашата власт за да се воздржам и да внимавам кои зборови да ги употребам. Баш напротив! Би сакала некој кој ке го прочита ова од вас да ми се обрати и да се најдеме да поразговараме сериозно. Не се спуштам под вашето ниво па сакам да се соочам дури и со министерот за внатрешни работи ако треба, затоа што ова верувајте ме згади од се во оваа земја. Каков е тој закон кога жртвуваме живот за некој функционер да стигне навреме до..НИКАДЕ!
Во вакви ситуации едвај чекам да дипломирам и да станам новинар и верувајте ми дека сево ова ке биде мој патоказ како и со кого да однесувам и нема да премолчам ниту еден збор, нема да скријам ниту една слика....
За крајот на овој пост, да не бидам погрешно сватена- денешниов случај навистина ме извади од контрола, меѓутоа секоја чест за исклучоците вработени во полицијата кои достојно си ја вршат својата работа

Здравко Чолич го собра Скопје на едно место

17.05.2008 за сите светски градови само една обична саботна вечер,но не и за нашето Скопје. Здравко Чолич оддржува бесплатен концерт на плоштадот, благодарение на t-home. Секое мое погодување за точната бројка на посетители би било глупаво. Целиот град беше собран на едно место, сите со насмеани лица и доволно сила за во таа огромна гужва да издржат да се радуваат и да пеат. На едно место бевме собрани сите генерации и тоа што може да не спои е , нормално, убавата песна. Сликата беше совршена и ме направи горда на мојот град. Таа вечер сите ги оставивме своите проблеми и грижи дома. Стариот мајстор на добра забава, Здравко Чолич само уште еднаш се докажа самиот себеси колку вреди. Хитови од 80-тите, 90-тите и оние најновите пеени од неколку илјадници луѓе...... Ниту еден слушател вчера неможеше да остане рамнодушен и никој не одолеа на прекрасната атмосфера. За оние кои направија огромна грешка и не дојдоа вчера еве само еден мал дел од атмосферата!!!


...За поздрав е изјавата на Здравко кој го посвети концертот на неговиот добар пријател и неповторлива звезда, нашиот ангел Тоше Проески. И кој можеше а да не се потсети колку пати на истово ова место пееше тој, само за нас- за оние кои ги сакаше најмногу, неговите Македонци!